Plantun de Prouvènço

Pèr coumpara dos planto d'encò nostre

Reseda alba subsp. hookeri & Helictotrichon sempervirens

Cascavèu(-blanc)

Reseda alba subsp. hookeri

Resedaceae

Autre noum : Reseda.

Nom en français : Réséda blanc.

Descripcioun :
Lou cascavèu-blanc de la subsp. hookeri, es uno planto que trachis dins la sablo en ribo de mar. Se recounèis à si lònguis enflourejado blanco e à si fru en cascavèu. La subsp. alba, pu grando, trachis proche d'oustau e èi bèn mai raro. Regardas tambèn lis àutri cascavèu pèr pas s'engana. Coumpara emé la subsp. alba.

Usanço :
Se dis que li grè manjon li jòuini fueio coume liume.

Port : Erbo
Taio : 10 à 50 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Reseda
Famiho : Resedaceae

Coulour de la flour : Blanco
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Mar - Sablo
Estànci : Termoumediterran à Mesoumediterran
Couroulougi : Pancaro entresigna
Ref. sc. : Reseda alba subsp. hookeri L., 1753

Civado(-toujour-verdo)

Helictotrichon sempervirens

Poaceae Graminaceae

Nom en français : Avoine sempervirente.

Descripcioun :
La civado-toujour-verdo es uno grando civado renadivo que trachis en mato dins li tepiero roucaiouso is adré de mountagno. Li fueio soun pulèu larjo pèr uno civado renadivo (> 1 mm). La grosso mato sus sòu cauquié ajudo à la recounèisse un cop qu'avès verifica qu'èro uno civado. En mai, cado espigueto caup uno flour barbudo emé l'arèsto torso e uno autro emé uno arèsto mai courteto e drecho. I'a pas trop pèr s'engana. Coumpara pamens emé lis àutri civado renadivo e majamen Helictotrichon sedenense.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 40 à 100 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Helictotrichon
Famiho : Poaceae
Famiho classico : Graminaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 8 à 15 cm
Flourido : Printèms - Estiéu

Sòu : Ca
Autour basso e auto : 1700 à 2200 m
Aparado : Noun
Jun à juliet

Liò : Tepiero roucaiouso seco
Estànci : Mountagnard à Subaupen
Couroulougi : Ouroufito-Aupenco-Sud-Ouèst
Ref. sc. : Helictotrichon sempervirens (J.Woods) Pilg., 1938 (= Avena sempervirens Vill, 1779 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Reseda alba subsp. hookeri & Helictotrichon sempervirens

ges

Coumpara Cascavèu(-blanc) emé uno autro planto

Coumpara Civado(-toujour-verdo) emé uno autro planto